前陣子看了兩套頗花錢的戲--Get Smart (特務s嘜) & The X-Files: I Want to Believe (X檔案：我要相信)

近來忙到戲睇少左,,BLOG寫少左..真對不起...今天下午請了假..所以寫返之前睇左既兩套戲!

1) GET SMART (特務s嘜) : 兩頭唔到岸

近來看了不少戲都跟各BLOG友意見很不同..是我眼晴瞎了嗎?

對我來說真的很失望,原先在電視看了製造特輯覺得不俗先去看的(因為自己對特務片不太有興趣)
看罷感到拍出來效果兩頭唔到岸..動作片規模好大但不太好看.笑位成分好高但好老套...兩邊拿捏得很不好..劇情唔通順,好多野都講唔通...笑位極低...節奏是很快..但不好看就是不好看...不明白男主角Steve Carell為什麼放在笑星這一PART..

因為除了樣子呆之餘,個樣笑感不大..相反地我較喜歡他前作你不用搞笑,都可以吸引我的!女主角Anne Hathaway發揮不大,沒有太大感覺.Dwayne Johnson的出場除了無聊之外,真的沒有其他形容詞

呢套戲我只喜歡一個笑點,就是開頭特務S開門入總部時.門很多,但越來越細這幕.好白痴.

雖然網上聲音有很多好評,但雜誌同我公司同事都好多劣評..嘻

2) The X-Files: I Want to Believe (X檔案：我要相信) : 無驚無險兩小時

開頭係幾期待呢套戲.但真係幾無驚喜,故事不奇特之餘.情節無驚又無險.完全是輕輕的來.輕輕的去那種..片頭一大班人唔知做咩事響雪地上面搜索係幾刺激,但後來情節越來越美劇feel.所以這套電影版,只是劇版的加長版.總要係劇版中最不好看那集.

因為最重要的是我總覺得X FILE 一定要跟UFO,外星人搭上咀..今次沒有.其實玩宗教係可以好吸引的,但偏偏拍到張力唔夠.(因為女主角唔信,所以片中好少出現一齊查案鏡頭).

而且女主角又唔算係同男主角携手破案..男主角復出查案又唔算十分驚險有用.只是一直都在描述彼此之間相信不相信的問題..所以片名無改錯亦沒有呃你<(X檔案：我要相信) >就是想表達男女主角經歷咁多事後.重新再出現查案.迷信之意存在著.信不信之差一線..糾纏在這個問題.但看見兩個經典的主角Fox Mulder & Dr. Dana Scully 係幾有feel既.