The Kite Runner- 追風箏的孩子- 期望WORLD PEACE 既人要睇

THE KITE RUNNER

百老匯電影中心

終於了左個心願,睇左追風箏的孩子…首先唔講好唔好睇..因為自己對呢個故仔有一定既情誼結…而且每個人既眼光都唔同.不能比較..但先提一提友人及BLOG友看後既反應..同行三人去睇,只有我一個睇過原著小說.我女友人話好睇..但唔夠細緻(因為佢睇左小說頭30幾頁.有少少了解),而男友人就話,OK呀,都好明..哈山好忠心..OK 好睇) 我之前有另一位朋友睇左(男仔)喊到豬頭咁,睇完立即打俾我叫我借書佢睇… 不過佢話好荷里活式,但係佢鍾意[追]多過[愛誘罪].雜誌好多人話好感人..好好睇,而BLOG友BEN BEN 同DONALD 就話好荷里活..失落最佳外語片並無道理…

而我自己覺得真的是差一點點,是有一點點失望,但那句[為你一萬一千次都在所不辭]首尾呼應的話加返好多好多分..可能是情誼結吧!!!哈哈…這句話在小說是[為你千千萬萬篇] 一直圍繞在腦中..哈山的忠心不單單令主角感到內疚,直頭連我自己都想對佢好..

[追風箏的孩子]沒有花巧的拍攝手法.但普通得來又舖排得好似B級荷里活片公式(不到A級添).第一個情節跳去第二個,第二個情節跳去第三個,到了風箏比賽發生了一件憾事後,貶下眼又隔左幾年,長大成人後.才揭發接二連三的秘密.然後捨命贖罪.經過驚途駭浪後,再來個完美既首尾呼應結果….好似有0的求奇喎!!!!所有舖排雖然非常準確但卻不自然….好像只是為拍完個故仔而拍..因為本身個故仔太出…不用做什麼已經能夠帶來感動效果..但有好多位描述都不夠細緻..如哈山的忠心,阿米爾妒忌哈山性格似他爸爸多過自己之恨.阿米爾爸爸在阿富汗是人民英雄之風采,但到美國寄人離下之委屈,以及蝦蝦霸霸0個個靚仔其實是受爸爸的成長教育影響下才變得暴戾的背景都描述得不夠..但這些是十分十分重要的..可能這就是美國人拍阿富汗不夠了解的問題吧…總之覺得仲可以好0的啦,不過127分鐘又真係好難講晒咁多,要取捨,要平衡不易.

好記得阿米爾爸爸說的話:令我很有反思.[講大話既人,是剝削別人知道真相的權利]與及[偷竊]是最大的罪行].足已反映阿米爾爸爸是多麼富正義感的人.他遇到是俄國醫生疹治時,立即推開他的一幕,立即令我想起我曾經在火車拿日文書溫日文時,有位老伯行過來罵我的情境..我們眼中看到他們的食古不化與堅持.其實可能每每都有一個不能磨滅的故事,這亦是很難令世界會大同的因果…真怕有一天這些經歷甚多的老人家消失了.那些歷史,堅持亦都會連帶埋走.他們的根,恨都不能延續下去…可惜可惜…

[追風箏的孩子] 是講人權/自由與愛的主題.是適合仍然想世界大同的人看…更加適合高床暖枕的香港人看.
看看到了2000年甚至現在,有些地方有些人仍然活在戰火中,屍環遍野,頹垣敗瓦,每天飽受政府迫害,被政府剝奪人權,視人命如草菅,自己人打自己人的世界中,我不了解,但電影就是帶給我們很多未知國家的視野,雖不全是事實.不能盡信,但至少有些事實是真確的.正如[追風箏的孩子]讓我明白到人雖分貴賤,但災難來到時,每個人都要降尊臨卑地生活,如阿米爾的爸爸,人民英雄都要流離失所,雖已搬到安全的國家.但昔日的光芒已不在.我看到這裏已經喊得很厲害.亦如阿米爾老婆的將軍爸爸,雖遠走他方,逃離亂世.將軍的威望是有,但只是在阿富汗人眼中,而在美國人眼中只是一個平民百姓..這亦反映了他們在阿富汗受的不平等階級觀念是何等荒謬.他們正是被這些勒死的觀念與規條迫害的.人權/自由就被這些荒謬的東西活生生地壓死.把愛/被愛的原始思想拋諸腦後.想來多矛盾多悲哀…最慘的是那些無辜的兒童…在這種荒亂的生活裏,價值觀已被扭曲.孌童的人越來越多,孩子們受到的性侵犯相繼發生.真的看到人神共憤….

中東FEEL 的OPENING CREDITS 很美很GRAPHIC..有點[我在伊朗長大]的影子.配樂熟口熟面,有點不夾…相反[大吉大利有限公司]同時地方特色片子,找來的配樂配合得好好多.又一可惜位…有些位交帶得唔好.阿里決定帶阿哈山走的一幕,很突然…少了阿里知道哈山唔開心一幕…總之就差一點點啦 .


三位小演員演出好搶,特別是飾演哈山的小演員Ahmad Khan Mahmidzada ,雖然佢並唔係如小說裏描述係兔唇,但樣子很討好,好可愛!!三位小演員避免電影上畫後,因敏感題材會遭不測,所以在未上畫前已離開阿富汗了

但不得不讚的是風箏大賽拍得好精彩,看罷才知道放風箏都可以咁有樂趣…


相關觀後感: Donald-《The Kite Runner 追風箏的孩子》: 有點神采欠奉
相關觀後感: BenBen-幾荷里活 - 追風箏的孩子 The Kite Runner
相關觀後感: 4res-《追風箏的孩子》：恰如其份地感人

相關文章: Arohamibo...追風箏的孩子(THE KITE RUNNER)小說
相關文章: Arohamibo...The Kite Runner (追風箏的孩子) 電影版文章I
相關文章: Arohamibo...The Kite Runner (追風箏的孩子) 電影版文章II
相關文章: Arohamibo...The Kite Runner (追風箏的孩子) 電影版文章III


論自己個人喜愛度一定0係90分左右,但拍得又真係差了少少.平心而論80分左右啦!!

Cloverfield whisper reverse 有下文????

boomp3.com

套戲完左ROLLER CREDIT之後,到最後有把近似男主角既聲 (講左句" help us?)
綱上面有位有心人折解後,將句說話倒轉播,係會聽到( it's still alive!!)
大家聽下,真定假???
可能有第二集喔!!!!

相關文章: Arohamibo-Cloverfield-末世凶煞-頭靚尾爛

有有心人好有心上web search好多關於Cloverfield既花邊新聞及tv宣傳版,絕對係一種創新電影.戲裏戲外,銀幕/電視各有各搞,同樣精彩.唔好將呢套片定格左暈同災難片.Cloverfield係好好玩既一套戲..上web精,search精一定唔可以錯過.

以下係來自有心人既既searching,非常精彩

(轉載自朋友的forward mail)
關於Cloverfield FAQ為令大家容易明白Cloverfield發生乜事,我將所有本地外地網上資料精簡成以下FAQ,希望幫倒大家,唔好浪費左導演及電影公司既心血

Q:Cloverfield 是一套什麼電影?
A:是一套互動形式既新類形災難電影,大家看前看後都要在綱上找資料

Q:NewYork究竟發生乜野事?
A:受到至少兩隻或以上的變種大海怪及其寄生蟲攻擊

Q:點解會出現變種海怪?
A:事件由一間藥物/科技公司"Tagruato"(男主角既新公司,"Slusho"既母公司)響太平洋既研究中心受不明物體襲擊開始(新聞有講,留意ref),呢個研究中心位於New York以西既太平洋水域,最深海溝之上.ref : http://www.youtube.com/watch?v=NfTWm1nCgLc&feature=related

Q:有關這實驗室,可以詳細知多d嗎?
A:可以,太平洋既研究中心"Chuai Station"係"Tagruato"公司所屬"即係男主角份新工既日本公司(Slusho)既母公司"有關Tagruato公司既網頁(ref 01),"Chuai Station"受襲擊後"Tagruato" 話係俾t.i.d.o wave(一個美國環保組織?)襲擊,t.i.d.o wave發言人立刻否認(youtube news 有講),同樣,18/1前t.i.d.o wave個官方web site(ref 02) 仲上到,但18/1後俾軍方lock左(原因不 明),slusho係日本一間健康飲品公司,亦即係請主角去做副主席既日本公司,slusho公司既官方網頁(ref 03),以下係男主角將會上任既日本飲品公司Slusho飲品既廣告(ref 4-7)
ref 01 - http://home.windstream.net/dacevedo/tagruato/profile.php
ref 02 - http://www.tidowave.com/
ref 03 - http://www.slusho.jp/
ref 04 - http://hk.youtube.com/watch?v=zU-Aa_nXV0U&feature=related
ref 05 - http://hk.youtube.com/watch?v=kVbv1G-tkfc&feature=related
ref 06 - http://hk.youtube.com/watch?v=qSVPxR58nMY&NR=1
ref 07 - http://hk.youtube.com/watch?v=HsXL5_loH24&feature=related

Q:'Slusho'是什麼東西?
A: 'Slusho'係一種類似redbxxx的健康飲料

Q:日本'Slusho'與此事有關嗎?
A:絕對有關,用黎提練'Slusho'既產品原料其實係好有問題(導致怪獸出現!?),'Tagruato' 可能從地底不知抽取了什麼不明物質用來製造'Slusho'而不小心令在深海物種異變!!之後發生實驗台受襲事件?以下有個網入面幾段片係講關於佢d產品,食左會令生物痴線(ref 08)
ref 08 - http://www.jamieandteddy.com/
password:jllovesth
留意第5段, Jamie會拆果個包裹
留意第8段食左包野
留意第9,10,11都傻傻地wing wing地咁!!!!!

Q:那些小形會吃人的怪物是什麼?
A:那些名叫"Bude",是寄生在怪物身上的寄生蟲體,靠吸怪獸身上血液為生

Q:為什麼被Bude咬後會爆體而亡?
A:因為Bude體內有一種異變毒素X5N2,令人急速壞血(類似伊波拉)

Q:怪獸最後死了嗎?
A:見到的巳死了,可看這裡 http://www.1-18-08.com/

Q:紐約還在嗎?
A:不在了,在最後政府的"移平計劃"後巳消失了,留意電影一開頭時介昭這DV帶是巳經國防部高科枝處理修補,"這帶是在以前稱為紐約的城市內中央公園廢墟掘出的"

Q:是何人重看這DV帶?
A:當時的美國國防部長,因檔案是一級機密(只有總?及國防部長可接觸,而開場時左上角Login紀錄是寫著國防部長)戲入面既角式既網頁 , 從中可得知深入d佢地既關係,全部同電影有關http://www.myspace.com/beth_mcintyre
http://www.myspace.com/lily_ford
http://www.myspace.com/robbyhawkins
http://www.myspace.com/jj_hawkins
http://www.myspace.com/hudsonplatt

英文版本
請大家付出少少時間, 上網搵下Cloverfield既資料,了解製作公司既用意,唔好盲目主觀咁將套戲定格響某類型,其實電影內仲有一些未解的"迷",此電影是一種新形態既電影,須要兩個字(互動)

Bye!!!!Heath Ledger

Bye!!!!Heath Ledger

今朝8點聽到收音機903盧覓雪輕輕帶過話斷背山男主角死左,之後就無講落去,我以為講笑.立即上網SEARCH.原來係Heath Ledger ,真係幾震驚!!!我立即打俾我一位朋友(佢非常鍾意Heayh Ledger )之後我地兩個就不停咁傾.不停問點解會咁..想打上BLOG,公司又BLOCK晒.

2008年既Heath Ledger 會有兩套大片俾佢孭飛,Batman: The Dark Knight 同I am not there,尤見BATMAN JOKER一角,令佢拍完後聲名大噪.有報導指片場既人見到佢真係好似小丑上身咁,演得太好.亦有睇報導講佢為左演小丑演得神似,ONLY 搵小丑把聲都自己守埋自己響酒店玩聲玩左好耐先搵到一把令人聽都心寒既聲音.可見佢在乎JOKER 呢個角色既程度.而且片中多個JOKER造型亦令人期待.所以2008年既佢,絕對係好有機會憑呢個角色拎獎或令事業再上一層.但可惜英年早逝既佢再無機會去享受2008 年既大豐收..真係好可惜...
送上Batman: The Dark Knight Joker Origin
睇完真係好想快0的睇

《斷背山》主演希斯萊傑Heayh Ledger 神秘死亡 疑為吸毒過量
2008年1月22日美東時間下午3點26分，希斯·萊傑被管家以及按摩師發現陳屍在位於紐約蘇豪區布魯街421號的自家住宅4樓。屍體被發現時全身赤裸、不醒人事的趴在地板上，身旁留有大量安眠藥。警方在房間內找到其他的處方藥物，並未發現任何毒品，房間內部沒有明顯的自殺以及他殺痕跡。

Cloverfield-末世凶煞-頭靚尾爛

CLOVERFIELD

奧海城百老匯
以下觀後感全是本人客觀看法
事先聲明: 如果未睇既朋友想睇的話.請擇後排坐.因為全片用手提DV拍.以第一身的拍法, 所以鏡頭是晃的(只要想想大家有玩過DV就會知咩FEEL).真係會暈(但我無呢個感覺,不過同行友人有).雖然DV拍法是特別的.但危險得來踩鋼線.因為有大部份人真的受不了DV拍攝的手法.正如[死亡習作]一樣,彈既有,讚既有.但本人覺得[末世凶煞Cloverfield]拍得型,我想全賴有佢-JJ Abrams- (Lost) 監製.


我自己有追開[ LOST ],絕對是被JJ Abrams的拍攝手法深深吸引,第一季至第二季追到不能自拔.第三季有點放緩,是因為季與季之間真的等得太久..JJ Abrams 愛估弄玄虛,將好多情節都設為謎一樣的拍法..多疑團的想像空間,足以將觀眾情緒輕易帶到高潮.所以Cloverfield估然是必睇之選.加上他謎一樣的電影宣傳手法.確實’吊癮得好緊要..TRAILER一個一個慢慢出.加多0的完又加多0的..真係攞你命三千.宣傳就做到咁神秘喇.咁套片係咪真係咁好睇呢??


末世凶煞Cloverfield唔可以話好好睇.但又唔可以話唔好睇,首先我覺得個頭開得好好.頭20分鐘都好精彩.一開始一播餅帶我就已經覺得好型好正.之後主角們之間的感情瓜葛亦令觀眾們差點忘卻了Cloverfield原是災難片的感覺.當我投入了他們之間的感情糾紛情節裏.不用幾秒.一下子地震的震動又震返醒我.像叫我.”現在才是戲肉”的感覺…所以我覺得一路都舖得靚舖得好.但後來呢!!!!反駁位就好多啦…先不要追究隻怪物點解出現.因為片中無一個人知.但我覺得敗筆在隻怪物造型.不突出之餘亦令人難以記起/.//只是覺得好似[韓流怪客]裏面個隻咁上下.但我自己都會覺得[韓流怪客]個隻吸引0的.起碼我會難忘牠高速爬行的姿態而及修長的尾巴….等等等等…比較形象化…但Cloverfield個隻就真的不知怎樣說吧…總之就是差一點點….


後段的內容都是離不開逃難.一個死完又一個,但他們之間的友誼和義氣情誼是令人感動的(而且全都是俊男美女)喔.雖然話看災難片不要想其反駁位.但後段又實在真的太多,如:

• 女主角被鐵桶插過肩,過了急救時期,友人趕到.大嗌三聲扯出鐵桶後.她沒有失血致死.相反行得快走得快…這真是愛的力量還是人在驚慌底下燃發出來的無限生命力呢?
• 怪獸體積相當巨大.但結局牠捉到主角後並與他四目交投時.突然牠的比例變得相當細小相當可愛的喔...
• 班主角整極都唔死0架?主角由直昇機跌下來, 咁都唔使死???

故事是OK 的,拍攝是特別的,用意是有的.但真的太晃了(尤其是走難時不停影住0的腳同鞋,都係會頭暈的)

有同事看了覺得很不好看.用”不知所謂”來形容.
我看的那天散場時,”下”聲四起.友人看完嘔意甚濃…狂看錶想快點完.
以上種種反應都足以抽掉了這套片的其他好處了.觀眾看得不舒服的話就會不停在裏面挑骨頭.希望導演汲取不同的意見下次做得更好吧!

Cloverfield官網

相關文章: Donald-《Cloverfield 末世凶煞》: 會感動的怪獸災難片
相關文章: YAHOO 影評- 寫得幾好,細心得來客觀
相關文章: Arohamibo-Cloverfield whisper reverse 有下文????

27 DRESSES-27宜嫁 -絕對是眾多大片之中的開心調劑品

27 DRESSES

APM PALACE

記得中學時代,我最愛看美琪賴恩拍的愛情片.笑起來瞇瞇眼的她多可愛...

今次 27 DRESSES 裏面的女主角Katherine Heigl令我想起美琪賴恩,她們不是樣似,我只是覺得她們兩人都擁有自然吸引的喜劇細胞.共同有觀眾緣的樣子.

由於KNOCKED UP 的成功,做就了Katherine Heigl成為電影新寵.而她亦不負所望在兩套片中孭重飛之餘亦有相當好的表演.在一月中,眾多大片的圍繞下-.27 DRESSES 絕對是開心舒服調劑品.

除了女主角外,另一引人入勝的賣點當然是曾飾演HAIRSPRAY 裏面的金牌司儀James Marsden的參與,今次擔正做27 DRESSES的男主角,在27 DRESSES裏面,James Marsden放下了在HAIRSPRAY四萬咁口的笑容,轉變成迷人的笑容,想不到他都有條件做到這些魅力十足的小生角色.演上來稱職又討好.加上演而優則唱的他,在27 DRESSES中又一展歌喉,在片中與Katherine Heigl在酒吧中,大唱大跳"Benny and the Jet",份外迷人.令我更加期待他的新戲Enchanted魔法奇緣.但本人略嫌他在片中的服飾真的很老土.那對老土的波鞋無法忘懷.嘻嘻.

這就是女主角做了27次姊妹的禮服衣櫃...搞笑

其實故事是很簡單的,只是講述一個心地善良的女仔,很喜歡去婚禮,她享受當中的氣氛,當中的浪漫,當中的愛與及真誠.所以總是義無反顧當人家伴娘/姊妹(總共27次).她一路多年暗戀著她的白馬王子上司(Edward Burns飾演),但上司卻竟然戀上了自己妹妹,在痛不欲生之際,誤打誤撞的機會下,卻偏偏被她遇上一個與她對婚姻完全不同看法的報館記者.表面上男的尖酸刻薄.女的純真易騙.就在這種長期開火的相處下,慢慢憧得欣賞對方,了解對方...當中不乏大量笑料,只是看見女主角的27件伴娘禮服已經笑爆咀.兩個人尖酸刻薄的情節亦令觀眾捧腹大笑.另外她眼白白看見妹妹與自己的白馬王子拍拖的呷醋情節都好好笑.

這套片絕對適合一家大細看,更適合適婚/不適婚的女士們看.....

27 DRESSES 官網

相關文章 : Donald-《27 Dresses 27宜嫁》：新愛情片女皇誕生!
相關文章 :Ben- 唔錯 - 27宜嫁 27 Dresses